​मलेसियामा विदेशी श्रमिकमाथि धरपकड, थप २२ जना पक्राउ

  • Saptarangi Media
  • शुक्रबार, भदौ ४, २०७८ ११:१८
​मलेसियामा विदेशी श्रमिकमाथि धरपकड, थप २२ जना पक्राउ

४ भदौ, काठमाडौं । मलेसियामा विदेशी श्रमिक माथिको धरपकडलाई तीब्र पारिएको छ । पछिल्लो समय मलेसियाले गैरकानुनी आप्रवासी कामदारलाई लक्षित गर्दै धमाधम धरपकड अभियान जारी राखेपछि दैनिक नेपालीसहित आप्रवासी कामदार पक्राउ परिरहेको छन् ।

मलेसियाले बुधबार मात्र सुरक्षा गार्डसहित थप २२ जना विदेशी श्रमिकलाई पक्राउ गरेको मलेसियाली अध्यागमन विभागले जनाएको छ । अध्यागमन विभागका अनुसार ३६ जनालाई अनुसन्धान गरेकोमा २२ जनाले श्रम कानुन उलंघन गरी बसेको पाइएपछि उनीहरुलाई नियन्त्रणमा लिएको जनाएको छ । उनीहरुलाई त्यहाँको पुत्रजया, बन्दरबारू, वगी सिमोनिया, साईवरजया लगायतका ठाउँबाट पक्राउ गरिएको हो । पक्राउ पर्नेमा २ महिलासहित २० पुरुष छन् । पक्राउ परेकाको राष्ट्रियता भने खुलाइएको छैन ।

पक्राउ परेकामध्ये अधिकांशले कानुन विपरीत र भिसामा उल्लेख भएभन्दा फरक कम्पनीमा काम गरेको पाइएको विभागले जनाएको छ । मलेसियाको कानुन अनुसार विदेशी कामदारले भिसामा उल्लेख भएअनुसारकै रोजगारदाता कम्पनीमा काम गर्नुपर्दछ। गत हप्ता मात्र अध्यागमन विभागले केही नेपालीसहित १११ विदेशी श्रमिकलाई पक्राउ गरेको थियो । मलेसियाले गैरकानुनी रुपमा बसेका कामदारलाई लक्षित गरी सञ्चालन गरिरहेको रिक्यालिब्रेसन कार्यक्रमको समयअवधि बढाएर यस वर्षको अन्त्यसम्म पुर्याएको छ । -न्युज सेवा

  • Saptarangi Media
  • शुक्रबार, भदौ ४, २०७८ ११:१८

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट