काभ्रेमा ३८ तोला सुन चोर्ने पाँच जना डिस्कोबाट प’क्राउ

  • सुगा न्युज
  • आइतवार, मंसिर २८, २०७७ २0:४२
काभ्रेमा ३८ तोला सुन चोर्ने पाँच जना डिस्कोबाट प’क्राउ

काठमाडौं, मंसिर २८ : आइतबार ३८ तोला सुनसहित पाँच जना प’क्राउ परेका छन्। काभ्रे पाँचखाल नगरपालिका-२ घर भएकी ५५ वर्षीया माइली तामाङको घरबाट शनिबार दिउँसो साढे २ बजे नगद र गरगहना चो’री भएको थियो।

सोही घरका नगद तथा सुन चोरी गरेको आरोपमा प्र’हरीले पाँच जनालाई प’क्राउ गरेको महानगरीय प्र’हरी परिसर, काठमाडौंका प्रवक्ता प्र’हरी नायब उपरीक्षक प्रमेश विष्टले बताए।

प्र’हरीले ओखलढुंगाका २७ वर्षीय देवराज दाहाल, सिन्धुपाल्चोकका २४ वर्षीय रामचन्द्र चालिसे, काभ्रेका २३ वर्षीय राम तामाङ, १८ वर्षीय हुईबहादुर तामाङ, १८ वर्षीय राजन तामाङलाई प’क्राउ गरेको हो। प्रवक्ता विष्टका अनुसार राजन तामाङ मुख्य आरोपित हुन्।

चोरी गरी फरार भएका उनीहरूको हुलिया सहित खोजतलास पत्राचार गरिएको थियो। हुलिया अनुसार महानगरीय प्र’हरी वृत्त, लैनचौरबाट खटिएको टोलीले उनीहरूलाई आइतबार ड्र्यागन डिस्कोबाट प’क्राउ गरेको हो।

‘हिजो चोरी गरेर काठमाडौं आएका रहेछन्। दुई जना भने पैसा पाएर डिस्को छिरेछन्,’ उनले भने, ‘हामीले थाहा पाएर प’क्राउ गर्‍यौं। अरूलाई उनीहरूको माध्यमबाट पक्रियौं।’ उनीहरूमाथि थप अनुसन्धान गर्न उनीहरूलाई काभ्रे पठाइएको छ।

  • सुगा न्युज
  • आइतवार, मंसिर २८, २०७७ २0:४२

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट